ЖАМБЫЛ АТЫНДАҒЫ ҚАЗАҚ МЕМЛЕКЕТТІК АКАДЕМИЯЛЫҚ ФИЛАРМОНИЯСЫ
Баспасөз баяны
2024 жылдың қазан айының 1-ші жұлдызында сағат 19:00-де Б.Байқадамов атындағы Мемлекеттік хор капелласының 89-шы жаңа маусымының ашылуына арналған концерті өтетіндігін хабарлаймыз!
Кеште Қазақстанның халық әртісі иегерлері — Роза Рымбаева, Айгүл Үлкенбаева, Рамазан Стамғазиев қонақ болып, өз өнерін көрсететін болады. Бағдарламада қазақ және шетел композиторларының шығармалары орындалады. Мемлекеттік хор капелланың керемет кешіне куә болып, ақпараттық қолдау берулеріңізді сұраймыз!
Капелланың Көркемдік жетекшісі және бас дирижері, Қазақстанның еңбек сіңірген қайраткері — Бейімбет Демеуов.
Кеш қонақтары:
Қазақстанның халық әртістері:
Роза Рымбаева
Айгүл Үлкенбаева
Рамазан Стамғазиев
Халықаралық байқаулардың лауреаты:
Фархат Кубиев
Әзиза Әбдрейм
Дияр Нұрсұлтанов
Бағдарламада:
С.Сейфуллин – «Тау ішінде»
С.Бәйтереков – «Күй»
М.Сағатов — «Жайлауда»
Ғ.Жұбанова — «Жалғыз емен»
Л.Хамиди — «Бұлбұл» хорға өңд. А.Молодов
О.Лассо – «Эхо»
С.Рахманинов – «Богородице дева, радуйся»
Г.Свиридов – «Наташа» «Пушкинский венок» хор концертінен
Г.Свиридов — «Стрекотунья белобока»
З.Кодай – «Ел цыган соленый сыр»
Б.Байқадамов – «Би күйі»
Б.Байқадамов — «Су тасушы қыз»
Қаз. хал.әні – «Ахау керім»
Жаяу Мұса – «Ақсиса»
Қаз.хал.әні – «Аққурай»
Қаз.хал.әні – «Елигай»
Қаз.хал.әні – «Жайдарман»
Қаз.хал.әні – «Шолпан»
Е. Үсенов — «Кербез сұлу» өңд. Ә. Толықпаев
Алтынай — «Ақжелең»
Ақан Сері — «Шырмауық»
Ақан Сері – «Мақпал»
Абай — «Желсіз түнде жарық ай»
Бақытжан Байқадамов атындағы Мемлекеттік хор капелласы 1935 жылы Дмитрий Мацуцинның басқаруымен Жамбыл атындағы Қазақ мемлекеттік академиялық филармониясы қабырғасында шағын хор болып құрылды. Ұжымның халық өнеріне аянбай қызмет етуінің арқасында 1939 жылы Қазақ КСР үкіметінің қаулысымен Мемлекеттік хор капелласы дәрежесі берілді. Сондықтан, хор капелласының Мемлекеттік дәрежені алғанына биыл 85 жыл толып отыр. Ал, 1935 жылдан бастау алған ұжым бүгін 89-шы концерттік маусымын ашады. Жалпы, 2025 жылы Бақытжан Байқадамов атындағы Мемлекеттік хор капелласының құрылғанына 90 жыл толады.
Ұжымның қалыптасып дамуына Борис Лебедев, Латиф Хамиди, Борис Орлов, Бақытжан Байқадамов, Галина Виноградова зор үлестерін қосты. 1959 жылдан 1991 жылға дейін хор капелласын КСРО халық әртісі, Мемлекеттік сыйлықтың лауреаты, профессор Анатолий Васильевич Молодов басқарды. Осы жылдары еліміздің музыка өнерінің дамуына қосқан үлесі үшін капеллаға 1967 жылы «Қазақстанның еңбек сіңірген ұжымы» атағы берілді. Ұжым репертуарында халық әндері мен күйлерінің хорға арналған өңдеулері, поэмалар, орыс және шетел классиктерінің көрнекті шығармаларының кантаталары мен ораториялары, сонымен қатар М.Төлебаев, Б.Байқадамов, Е. Рахмадиев, Ғ.Жұбанова, М.Сағатов, С.Мұхамеджанов сынды Қазақстандық композиторлардың туындылары орын алған. Бүгінгі күні ұжым репертуарында жалпы бес жүзден астам шығарма бар, олар әлем халықтарының 20 тілінде орындалады. Бүгінде әлемнің бірегей ұжымдарының қатарындағы капелла елімізбен қатар, алыс жақын шет елдерде, оның ішінде Қырғызстан, Өзбекстан, Ресей, Түркия, Германия, Үндістан, Қытай Республикасы, Венгрия, АҚШ елдерінде өнер көрсеткен.
Биыл Б.Байқадамов атындағы Мемлекеттік хор капелласының құрылғанына 89 жыл толып отыр. Осы жылдар да, қазір де ұжым өзінің шығармаларын жаңартып, еліміздің музыка мәдениетінің дамуы жолында өз үлесін қосып, тыңдармандардың сүйіспеншілігіне бөленіп келеді.
Байланыс телефоны: +77077850201 Ақжүніс
E-mail: philarmon@mail.ru
Сайт: https://jambyl-philharmonic.kz/
Инстаграм: kazakh.philharmonic
Фейсбук/YouTube: Казахская государственная академическая филармония им.Жамбыла
